唔經唔覺,由琴晚凌晨四點三起身番工到宜家,
已經無訓覺廿二個鐘,但宜家精神狀態依然係良好(你見我仲有力打到日誌就知la)
唔好問我點解,我自己都唔知點解...

呢個禮拜好特別,令我唸起一樣野
究竟朋友係點樣定義?
識左幾十年就可稱之為好朋友,好知己?非也
識左唔夠一個禮拜就唔可以做好朋友,好知己?非也
咁憑咩先可以定義到朋友既類別呢?一個字-----"夾"

兩三年之前玩左個遊戲叫做三國志唔知幾多, 個遊戲有個人與人既關係,
級別分為由最低既"一般" >"知己"> "好友"> 至到最高既"親密"
你扮演緊一個角色,比如劉備,佢第一次見關羽同張飛,一同呢兩位交談已經可以將關係變成親密
但如果劉備同董卓可能你無論同佢交談幾多次,個關係都係保持係"一般" ,而有d 就要經過多次交談
先可以成為"知己",再升到"好友"甚至"親密"
唔知大家明唔明我想表達乜,不過都唔緊要la,我想表達既都表達左啦,唔明都無計,我都幫你唔到

今個禮拜令我有d 幾特別既體會,因為識到一位識左唔係好耐,但好有一見如故既感覺的朋友,
感覺好似識左好耐咁,但其實只係識左一個禮拜都未夠,感覺好神奇,
感覺就好似一識到果刻就已經好似自己既好朋友咁

突然唸到...有時如果有d 野好夾既時候,做乜都會好順利,好快手,唔係好夾既時候,可能會耐少少
完全唔夾既時候,就真係只有等死...
我講既野係咪好廢?haha

話說前幾日番工,要入登機閘口到等d 客到齊
入到去閘口睇番電腦仲有成40幾50個客未到齊
突然有個廣州既女導遊過黎同我講,
"幫我睇下我d 客到齊未?"
我好有禮貌同佢講"仲有成四十幾個客我唔係咁清楚邊d 係你個客喎"
"咁你有電腦睇到架嘛,我地係廣州黎架"
"咁請問你地總共有幾多個人呀?"
"我地總共三十幾個人"
(我睇電腦見唔到有一團係三十幾人既廣州客)我再問佢"你有無抄低你d團友既坐位號碼?"
"無喎,我地係唔會抄低佢地d 坐位號碼架喎,唔使咁煩啦,你幫我睇下佢地到齊咪就得架la"
"因為咁既,宜家仲有成四十幾五十個客未對,我無可能幫你逐個逐個名去對睇下有邊個未上飛機呢,同埋我地
香港既導遊其實係會抄番低晒d 客既坐位號碼的,咁可以方便搵到d 客,你下次都可以試下抄低個坐位號碼,咁
我地幫你搵都易d"
"我地係大陸既領隊,我地唔會做d 咁既野架喎,我地大陸既領隊全都都唔會抄架啦,你快d 幫我睇下我d 客到齊未呀"
我開始唔耐煩咁講"當去到剩番十幾個客未上飛機既時候我再同你逐個名咁對啦,你又無抄低座位號號我宜家好難同你對"
"我都話我係大陸既領隊,我地唔會做埋d 咁既野"
我開始有d 嬲 "咁你自己企埋一二便等下la"


去到淨番10幾個客未登機,我就主動叫佢埋黎,同佢講:"宜家淨番十幾個,我幫你對下d 名,你聽下係咪你d 團友啦"
我電腦到只會顯示到個客個英文拼音,無中文字,所以我只可以跟拼音讀 "Li Zhi Rong",我用普通話音講個名出黎
佢突然同我:"li zhi rong 呀(明明佢係讀緊英文既音),你 d 普通話咁屎好心你就得閒去上下堂學下啦"
聽完佢講之後真係嬲到想上去爆粗打佢(因為我自問我d 普通話係見得人,唔算爛,仲試比兩個客讚我講得好;當然
eq 高既我唔會真係打佢),最後只回敬左一句:"我普通話緊係無你地咁好架啦,我點同你比丫)

講完之後佢就自己走左去閘口登機,無理到d 客到齊未,
我真係做咁耐未試過見到d 咁乞人憎既客,幫佢仲要比佢鬧~~
果刻真係勁嬲~~><